الرئيسية التسجيل التحكم اتصل بنا

 

 

prince

• ﺂﻟﻓٲإﺻل ≈ ~ التغطية الرسمية للاستعراض الحر في حلبة البحرين الدولية الجمعة الموافق 19-08-2011 ~

 facebook


 



منتدى الشعر والخواطر مـلـتـقـى للأشعار والقصائد المكتوبه والمسموعه..

موضوع مغلق
 
أدوات الموضوع انواع عرض الموضوع
قديم 03-06-2008, 01:33 PM   #1

][ آستلطفگ ][

دربآآآوي للنخاع
 
الصورة الرمزية ][ آستلطفگ ][

 





][ آستلطفگ ][ في طريقه للتميز

][ آستلطفگ ][ غير متواجد حالياً

Thumbs up كلمات اغاني الفنان مزعل فرحآن

عزو شبابي
عزو شبابي دامني بينكم حي=في حظي اللي من عرفتة وهو ميت
غير يحصل من سراب الوطا مي=انا غزير المي يقفي ليا جيت
هذا وانا ماتهت بسكة غي=وشلون لواني تعثرت واخطيت
لوكنت اعرفك ماتحيرت بشي=وانا تخيرت الشقا واستقليت
باللة ياحظي ترفق بي شوي=يكفي شبابي اختطفتة ووليت
-----------------
مرثيه
جاني خبر في غربتي ، قيل بركود
=صوب الرياض اسرع و شد الرحالي
قلت السبب قالو مريض و بــه زود
=على فراشه طايح من ليـــــــالي
يبي يشوفك دامه اليوم موجود
=علك تشوفه لي وصلته سالي
حاولت اعرفه قالو الوقت محدود
=لالاتضيع وقتك اليوم غالي
رجعت فكري تايهٍ شبه مفقود
=متخدرٍ جسمي وفكري وبالي
ساعة دخلت وشفت اناالبيت محشود
=بالناس كلٍ يزعج الصوت عالي
حتى الصغير اللي من ايام مولود
=يبكي ودمعه فوق الاوجان سالي
نشدتهم وش صار بايامي السود
=منهو توفى..من فقدناه غالي
قالوا ترى امك يابن الاجواد بالعود
=بالعود مدفونه من اربع ليالي
جاها قضاها ويومها اليوم موعود
=والموت حق وكلنا للزوالي
من هرجهم حبل الحزن صار معقود
=في خافقي والموت وقته طرالي
بغيت اجامل كل من كان موجود
=لكن حزنـي ترجم احوال بالي
وانهل دمعي وانتثر فوق الاخدود
=ساعة نظرة فراشها والعيالي
ياليتني في قبرها اليوم موجود
=وهي على الخد الوسيعه بدالي
لا شك حكم الرب ماعنه مردود
=امنت به ربي عليه اتكالي0
-----------------
لـيت الجـروح

ليت الجروح قصاص واخذ بثاري
لاجرحك جرحا مايداويــه دكتـور
جرحا يطفي من لواهيـب نـــاري
ويشفي غليل لاع عالهم والجـور
سقيت قلبي بالغدر ســــم هـاري
واودعت عقلي تايه الراي مخطـور
ودي قبل موتي ارد اعتبـــــــاري
اخاف اموت وخاطري منك مكسور
على كراسي الجرح طال انتظاري
ماتلتف لي ليه قاسي ومغــرور
مفعول غدرك داخل القلب سـاري
مظن في قلبك احاســـــــيس وشعور
لي من كتب ربي عليك انتـصاري
ابتركك في ليل الحزان ماســور
لوالجفا لابالحب ماهو انشــعاري
وحده بوحده وماخذ الثــــار معــذور
محدن بحالي من سوايـــــاك داري
اضحك واجامل والحشا منــــك مقـهور
لو الوفاء ماله بخاطرك طــــاري
يامحترف تجريـــح قلـــبي من الشــور
-----------------
امنـّي العين

امنـّي العين الحزينة بلقياك=لا زل يومٍ قلت باكر تجيني
ولا حل باكر أنتظر واتحرّاك=كودك تطل بنظرةٍ يا ضنيني
بس اتحرّى شوفتك واتمناك=على أمل يومٍ جديدٍ تبيني
واشوف يومي مثل باكر بليّاك=لا واعذابي من رجاوي سنيني
ضاع العمر كله على آمال رجواك=أعدد أيامه باصابع يديني
ما شفت أنا به غير لوعات فرقاك=خلتني اطرد من وراها حزيني
وين الحنان اللي من أعوام ينهاك=عن الجفا يومك تقدّر حنيني
واليوم أشوف الوقت مخلف نواياك=اللهُ أعلم حال بينك
-----------------
وداعة الله

وداعة الله يا هلي سامحوني=وادعو لي الرحمه إلى قيل رحال
على فراش الموت تبكي عيوني=عساه تكفير الشقا لي والأهوال
والله عجب كيف الحبايب نسوني=دنياً تقلّب كل يومٍ على حال
لا يا مجاريح السهر ساهروني=كلي عذاب وحزن مع ضيقة البال
على جسور الحب تصرخ شجوني=لاني خلي ظروف ولا فيني هبال
بالله يااهل الخير لا تسالوني=قصة ألم صارت تناقلها الأجيال
وصيتي في حيّهم ادفنوني=خلوه يبكي عند قبري الى انهال
وداعة الله للأبد سامحوني=هذي النهايه ما بقى شي ينقال
-----------------
كلٍ يقول

كلٍ يقول ان البكى فيه راحه=و أنا بكيت اليوم لعلي ارتاح
بكيت من قلبٍ تزايد جراحه=بكيت بكي اللي بكى يوم الأفراح
حتى رفع دمعي لعيني سلاحه=و أنا احسب إن الدمع لعيوني سلاح
في ليلي اللي ما ظهر لي صباحه=و همومي اللي عيّت اليوم تنزاح
عمري محطه للعنا و استراحه=دنياي عتمه كلها بعيني اشباح
كني غريقٍ ما يجيد السباحه=يصرخ و لا حوله من الناس سباح
يشوف موته ما يفيده صياحه=في غبـّةٍ تلعب بها الريح لى طاح
-----------------
حبيبي ناجني

حبيبي ناجني وارحم محبك
= ترى جرح الهوى فيني كبير
على هونك على قلبي بربك
= لهيب الشوق في قلبي خطير
حرام انك علي تكثر بصدك
= وترميني وسط نار السعير
انا قلبي متيم بك واحبك
= واذا شفتك من الفرحه باطير
بعد عمري انا مااطيق بعدك
= اشوف الحال من بعدك عسير
ابي رقة حنانك وعطفك
= وتعطيني الرضاقلبك كثير
وخل السعد يغمرني بقربك
= وحظي بالوفا يصبح وفير
-----------------
ليه الهنا

ليه الهنا ما دام لي في حياتي
= وان دام لي ساعات تلحقني هموم
ليه النصيب اليوم يفرض وصاتي
= لا قلت قام الحظ وعاد الشقى كوم
ليه الفرح مثل الحلم في مباتي
= اسعد على لااماه في لذة النوم
دام النكد ناوي يسبب مماتي
= راضي بحكم الغير وما صار مقسوم
لا واللذي سواه زين الصفاتي
= راضي بتعذيب الزمن لاجلها دوم
فوق النكد راضي الشقا من غناتي
= لاجله رفضت الغير ولو زاد بالسوم
ليه الهنا ما دام لي في حياتي
= وان دام لي ساعات تلحقني هموم
-----------------
اخرجي

اخرجي عن صمتك الراهب كفايه
= واكشفي عن سيرة الحب الغموض
فهميني هو خطاك او هو خطايه
= او انا بالحب ماني بمحظوظ
انشطر صرح الهوى شدي معايه
= ولو تمايل حاولي به للنهوض
لا يطيح الصرح تنهار البنايه
= افزعي لي ان كان ودك به نخوض
والا انا مودع غرامك في حشايه
= ما اتخلى لو تلقيت العروض
اتمادى لو غدى ببعدي شقايه
= واحتمل وارجي عسى ربي يعوض
-----------------
الحب قسمه

الحب قسمه ليتني ما عرفتك
= ليت المشاعر اختفت يوم لقياك
بدايتك حلوه منها عشقتك
= ابديت لك من صادق الحب ما جاك
رحبت بك ودموع عيني بكت لك
= من لهفة بالقلب ماهي بتخفاك
في لحظة جازيت منهو يودك
= بالهجر والنسيان يا كبر بلواك
ببحث عن اهل الود فرح بصدك
= واعطيك من صدي دروس تحداك
بلقا حبيب وافي من بعد صدك
= وافي بعهد الحب ماهو بشرواك
واسف على وقت قضيته بغدرك
= لاوا حسايف قولتي لك انا اهواك
باحاول النسيان واصير ضدك
= وانسي غرام فات بالحب وياك
-----------------
تعاتبني

تعاتبني على غلطة زماني
= وانا مابي من الحسره كفاني
تعاتبني وانا ويش في يديني
= نهيت القلب لكنه عصاني
معي لك قصة الحب الحقيقي
= غرامٍ بيننا مات بثواني
وفا بس الوفاء صعب المناله
= غدى بعض الوفاء وهم واماني
زمان الصمت يا وقت العجايب
= كفاني ما جرا منك كفاني
مصير اللي بعيد الدار يرجع
= ومصير اللي يغيب يعود ثاني
سنين عايشه باحضان ذكراه
= نسيت الحب لكن ما نساني
انا مابي عتاب ولا ملامـه
= اريدِ اودعك وارجع مكاني
سراب الوهم ما يغري عيوني
= خلاص اليوم ابـي باقي حناني
واعود مثل ما قد جيت يمك
= ادور في بحر عمري مواني
-----------------
اباتركك

اباتركك للوقت و أنت وضميرك=إما تغيب العمر والا تجيني
بالحيل ظامي ما رواني غديرك=و بالحيل عنك بعيد لا تحتريني
أنا ضرير الوقت وأنا ضريرك=بعيد لكن كنك قدام عيني
يمكن مع الايام باحب غيرك=مادام قلبك صادقٍ مايبيني
يمكني ادله وانكر اني عشيرك=و بعد ارتحال العمر يمكن تجيني
أبي قليل الحب ما ابي كثيرك=ارجوك عطني بس لو بعض ديني
شرك محى في صفحة العمر خيرك=وحبك تركني هايمٍ في سنيني
و انا ادري ان كل الحكي ما يثيرك=لكن لزوم اقول وش صار فيني
لابد ياتي يوم و تعرف مصيرك=و تقول بعد غياب عامين ويني
خل الهوى خله لغيري وغيرك=ذا ما جنته ايديك ماهي يديني
اباتركك للوقت لازم يديرك=و لا جيت اباصافحك فاقطع يمينيd
-----------------
مرثيه

يوم جوني الناس من كل الجهات
=قايلين اصبر..مقدر لا تصيح
البقية في حياتك والوفاة
=امر ربي والمصايب يا جريح
ما ترد دموع عينك شئ فات
=ادع ربك كان تغليها صحيح
امرضوني الناس من كثر العزاة
=لين خلوني على فراشي طريح
قبلها بشهور ما ذقت الهناة
=من مرضها اسهر بليلي واصيح
واصبح الماضي بعيني ذكريات
=اتخيلها ودمعاتي تسيح
يوم شالوها الظهر بعد الصلاة
=اظلمت دنياي والعالم تبيح
ما قوى جسمي وقوفي والسواة
=كل ما اقف ينحني جسمي واطيح
متشائم يا عرب من ذا الحياة
=حطوا امي في القبر كيف استريح
يرحمك ربٍ عطاك احلا الصفات
=كل صفات الامهات اللي تريح
يغفر ذنوبك عسى يوم النجاة
=ومن سوى الله يغفر الذنب ويبيح
-----------------
احاول

احاول اكتم الشكوى وانا ما اقوى
وتذرف دمعة عيوني اداريها واخفيها
عشانك يوم ما حبيت ولا حسيت باشواقي
ويذبل حاجب النسيان ولا اقدر على الكتمان
وتنشد لهفة احساسي عن القاسي
عساك تود ..بدال الصد
عسى الاشواق مجتمعة واشوفك لحظة الجمعه
الى مني نويت انساك.. يذكرني بك احساسي
يناجي قلبك القاسي..يجاوب من يسعد الذكرى
عشانك يوم ما حبيت ولا حسيت باشواقي
-----------------
يامرحبا

يامرحبا ياللي بجنب البيت مريت
=يامرحبا بك ولورد السلامي
حبك ذبحني ليت بالحب حسيت
=حبك ملكني فيك هيض غرامي
ودي بشوفك ياهوى البال ياليت
=لو ساعةٍ شوفك نورك ينور ظـلامي
قلبي يحبك ياهوى البال ماارعيت
=واخفيت حبك ياحسـين المقامي
احرقت قلبي في غرامك وقفيت
=ونسيتني والجرح لا زال دامي
-----------------
خذاني الشوق

خذاني الشوق وابحربي على مركب شقاء عمري
وخلاني بهالدنيا اقول اسرار مدفونه
اثاري الشوق ياخذني مع ايامي بدون امري
ويجبرني على ما اقول ومنه الروح مغبونه
هلكني الحب ياعالم نحل حالي وانا مادري
ضرير الشوق ما يدري يطارد خلف مضنونه
يمر اليوم بعيوني ويمضي ليه ويسري
وانا مثل الكسير اللي سواد الليل بعيونه
اخفي دمعتي واكتم واساير بالهوى صبري
وعساي القاك ياعمري قبل قبري يحفرونه
واعيش بدنيتي مرتاح ويغيب الهم عن صدري
وتسامرني بنورك ياقمر دنياي في كونه
-----------------
تذكار

خل الصور يا قاطع الوصل تذكار __ تطفي عذابن في ضميري يبيني

وماعاد لي حيلة سوى تظرة الدار __ لا جيت في حيك يبيح كنيني

ترى الغلا لك ياسمر اللون يندار __ يندار في قلبي طوال السنيني

لا شك انا صابر وقلبي على نار __ نارن تواقد لك يانور عيني

بس الامل بالله علام الاسرار __ يرحم وليفن قلبه حزيني
-----------------
كثرت هواجيسي هموم

كثرت هواجيسي هموم وتفاكير __ سبت وليفن طاع فيني غثا الناس

محتار في صده ولا نيب في خير __ اعض انا راحة يميني بالابهام

ماقدرت افسر له شعوري بتفسير __ جسمي نحل والشيب عقبه كسا الراس

اتعبت نفسي بالمشي والمشاوير __ لامن ذكرته حل بالقلب هوجاس

ياناس انا كيف اهتني ذي المقادير __ خلتني الدنيا حسيرن بلا ساس

قلبي عزف يا سعود عن عشرت الغير __ لو كان غيره در وزهور والماس
-----------------
كلمات..قصتي قصـــة

قصتي قصه و أحوالي عجاب=ما خبرت الوقت لي مره صفا
كل ما لاح بسما عمري شهاب=هبت رياح التعاسه و انطفا
من خبر نهرٍ عطا ثمٍ نضب=غير دمع العين اصبح كالسراب
من يقول الوقت يجزل في العطا=و من يقول الخل يوفي للخليل
و من يقول السر له بير و غطا=دالهٍ ما ناح في الليل الطويل
ما تعذب ما لجمرات الوطا=ما شكى من جور همه و الصعاب
من قسى وقتي و قلبي ما اهتنا=دمعي المسفوح جرّح لي النظير
غارقٍ في الهم حطّمني العنا=حالتي يبكي لها حتى الضرير
حالتي حاله و من حزني انا=قلبي المجروح من شكواي ذاب
قصتي قصه و احوالي عجب=ما خبرت الوقت لي مره صفا
كل ما لاح بسما عمري شهب=هبت رياح التعاسه و انطفا
من خبر نهرٍ عطا ثمٍ نضب=غير دمع العين اصبح كالسراب
-----------------
كلمات..بعدين تفهم الحكاية

بعدين تفهم يا هواي الحكايه=و بعدين تعرف ليه قلبي تناساك
بعدين تفهم ليه طوّل جفايه=و ليه قلبي بعد ذا الحب يجفاك
خلاص ياللي كل عشقك دعايه=يا ناسيٍ من كان بالحيل يهواك
قلبي تراه اليوم قال النهايه=يومك خدعته صار ماضي اليوم ينساك
سمحت لك ما كان فيه الكفايه=و ما كان ودي يوم اشقى بفرقاك
أهواك و اتحمل لاجلك عنايه=و انسى جروحي كلها يوم لقياك
و نسيت من اجلك جميع اصدقايه=و افرح و اهلّ الدمع لا حل طرياك
بس للاسف وش كان منك جزايه=طاوعت فيني قولة عداي و عداك
خلوك تجفاني و تنسى هوايه=يا حيف والله كيف صدّقت من جاك
و اليوم تسأل ويش سبايب جفايه=بعدين تعرف ليه بابقى بلياك
بعدين تفهم يا هواي الحكايه=و بعدين تعرف ليه قلبي تناساك
بعدين تفهم ليه طوّل جفايه=و ليه قلبي بعد ذا الحب يجفاك
-----------------
كلمات..لاتهرب لاتهرب

لا تهرب باقيٍ عندي كلام=شايله في خاطري وقتٍ طويل
اسمعه مني قبل ما انهي الغرام=فيه للحاضر من الماضي دليل
كلها كلمه عن ايام الهيام=هات من وقتك ولو شيٍ قليل
نفسي احكي قصتي لك بالتمام=يوم قلبي يتبع اشواقك ذليل
باظهر اللي كاتمه يومي مضام=و اعتبرني في اللقاء عابر سبيل
بابتعد في صمت عنك في سلام=الوداع الحل ما غيره بديل
دام حبك في نظر عيني حطام=النهايه هجّت ابواب الرحيل
ليش انا واياك نسهر ما ننام=و ليش كلٍ من عناء صمته عليل
-----------------
كلمات..تكلمي قولي وش تبينة

تكلمي قولي وش اللي تبينه =مادام عيني يا حياتي بعينك
قولي ورى نبرة صوتك حزينه=قولي وش اللي مشغلك في سنينك
لا تتركين هموم قبك سجينه=لازم تنام اليوم بيني وبينك
لا تشغلين القلب لا تشغلينه=خليه يشعر بالهنا في يدينك
تفداك روحي بكل ما تطلبينه=نفسي احقق ما يخفّي كنينك
راعي الهوى صعبٍ يخفّي حنينه=يا بخت منهو ناش قلبه حنينك
تكلمي قولي وش اللي تبينه=مادام عيني يا حياتي بعينك
قولي ورى نبرة صوتك حزينه=قولي وش اللي مشغلك في سنينك
-----------------
كلمات..واعتبرها نهاية

أصد عنها و اعتبرها نهايه=و النفس تقواني و أغيـّر قراري
و ارجع لها نفسي تحس بولايه=و اشوف موتي واقفٍ بانتظاري
محتار معها مالها أي غايه=إلا عذابي فوق نار اختياري
ابكي و هي تضحك معي في البدايه=تعشق دموعي بين طاري و طاري
ما فكرت في يوم تكسب رضايه=تزعل و ترضيها دموع اعتذاري
مغرورةٍ في نفسها وش خطايه=إلا الغلا منه الفكر صار ساري
كان الوفاء في الحب يحسب جنايه=اباعتذر عنها و أغير مساري
و اشيل جرحي في خفايا حشايه=يجي لها يومٍ و أرد اعتباري
-----------------
كلمات..ماانت برخيص

ما انت برخيصٍ يا اريش العين عندي=أفعالك اللي غيّـرت نظرتـي فيـك
لا يا خلف أمـي و ابويـا و جـدي=غالي و لكـن مـا قويـت لتغليـك
فسرت دمعي ضعف من فوق خـدي=ما قد حسبت حساب يـومٍ باجافيـك
فرضـت يالغالـي علـي التحـدي=حتى قبلتـه منجبـر مـن تحديـك
و اتبدلـت نظـرة حنانـي بصـدي=نويت انا ارحل عن حياتك و اخليـك
خل الذي مغويـك يفـرح بصـدي=يشمت عليك اليوم لا قلت مـا ابيـك
اهون علي الموت مـن زود وجـدي=و لا اتوسـل ساعـةٍ بيـن اياديـك
اقولهـا مجبـور مـاهـو بــودي=أفعالك اللي غيّـرت نظرتـي فيـك
-----------------
كلمات..من شكي ظلم الليالي

من شكى ظلم الليالي و الغدر=ساهرٍ بالليل كالطفل الرضيع
من تولع بالهوى و شاف القهر=شاف عمره من عنا همه يضيع
ما توقف دمعته مثل النهر=الثرى من دمعة عيونه ربيع
من غرق مثلي وسط غبة بحر=يطلب الله علّـنا ننجى جميع
رغم تعذيبه لقلبي يا بشر=له مكانٍ داخل احساسي رفيع
ما صفالي يوم حطمني الكدر=صار خلي يشتري فيني و يبيع
صابرٍ و الجرح يكبر بالصبر=واعذاب القلب من جرحٍ وسيع
ضاع عمري بين موجات الخطر=شوف عيني دنيتي مني تضيع
غيبته عندي ثواني كالشهر=و البلا يضحك بسنه للجميع
واعذابي منك يا شبه القمر=خوف عمري من عنا همك يضيع
-----------------
كلمات..ياشـوق

يا شوق ما ترحم عليلٍ يحبك= من مدةٍ لا هي بشهرٍ ولا يوم
سرقت نفسي لين اناجيت يمك=واهل الحسد في غفلة الحلم والنوم
يا قمة الاخلاص ياخف دمك= و صفك غريب و في العرب صار معدوم
اسقيتني كاس المحبه و همك=لاجلك شربت الكاس لو كان مسموم
ارجوك تاصل من وصاله يهمك= ارجوك تاصلني ولو في السنه يوِم
عزالله اني يالغضي شلت همك=ما تسمح ظروفك تسير ولو يوم
اتعبت نفسي بالمشاوير يمك=درب الهوى من يسلكه حارب النوم
-----------------
كلمات..وش غير الاحوال

وش غير الاحوال و اسلوبك معانا=يـا ناكرالعشـره خـاب الامـل فـيـك
مات الامل و الوقـت خيّـب رجانـا=كثر الغرور اللي عن الناس معميك
هجـرك و صـدك يـا حياتـي كوانـا=و اتعبت نفسي من جفـاك و تغليـك
الجـرح الأول طـاب و أظنـه كفانـا=و أثر الجـروح اللـي بقلبـي تسليـك
كــان الامــل دايــم يعـيـش بسمـانـا=كــان الحـنـان منبـعـه مــن ايـايـدك
اليـوم قـصـدك تلتـهـي فــي هـوانـا=و تلعب على قلـبٍ يحبـك و يغليـك
ضيعـت عمـري لـك و هـذا جزانـا=قطعتنا يا صاح و خاب الأمل فيك
وش غير الأحوال و اسلوبك معانا=يا ناكـر العشـره خـاب الأمـل فيـك
-----------------
كلمات..اذكريني

اذكريني لا هدا بالك و راق=وش كثر عانيت منك و الزمن
و اعذريني لي نسيت الاشتياق=كل حلمٍ راود الحب اندفن
و انثري دمع الشقا قبل الفراق=كل شيٍ له على الدنيا ثمن
صدقيني فكري الموهوم فاق=و الحقايق رددت احلى لحن
المحبه ما ذكر فيها اتفاق=تحرق قلوبٍ و تختار السمن
ايه احبك و المحبه ما تطاق=ساكنه قلبي و قلبي لك وطن
لكن الفرقا تنادي باشتياق=لذة العشاق نسيان الحزن
-----------------
كلمات..ياظالـــم

يا ظالمٍ قلبي تنوم الليالي=ما حاربت عينك ابد لذة النوم
مرتاح بالك طول الأيام سالي=تنوم و عينك ما جفاها الكرى يوم
أيامك أعيادٍ كساها الجمالي=خالي الذهن عن هم الأيام محروم
ما أنت بمثلي رابط الضيم حالي=حبله متينٍ مستوي فيه محكوم
همي رفيقي صايرٍ لي ظلالي=ما فارق عيوني ابد دايم الدوم
ما مر يومٍ مهتني فيه بالي=الظلم عذبني و أنا منه مضيوم
يعزف مراسيم الشقا في خيالي=لو كنت نايم وقظتني من النوم
يبست معاليق الحشا عزتالي=تشبه عذوق التمر لا صار مصروم
لو اشرح اللي يا جماعه جرالي=منه يشيب الطفل لو كان مفطوم
ذي حالتي الله عليمٍ بحالي=اللي ظلمني حبه اليوم مكتوم
يا ممرضٍ قلبي تنوم الليالي=ما حاربت عينك أبد لذة النوم
مرتاح بالك طول الأيام سالي=تنوم و عينك ما جفاها الكرى يوم
-----------------
في موقفي

في موقفي خلك مجرد ثواني=عش بعض ما عشته ثواني و لحظات
وان كان قلبك في حياته نساني=ما تنفع الدمعة على شي قد فات
هذا خذا مني وهذا عطاني=هذاك يعطيني و ذا قال لي هات
تدرين بإن العمر لو طال فاني=وأنكرت لك ذاتٍ و حبيت لك ذات
هذا الكلام اللي يقوله لساني=أسير درب و كل عمري مسافات
عزاي بأن الموت لو جاك جاني=وعزاي بأن الحب لو مت ما مات
ربي عطاني لك و عوّد خذاني=انسان زاير كان له فيك نظرات
حياته بقلبين لو قيل أناني=قلبٍ يحب و قلب لو حب بسكات
مخلوق هوّنتي غرامه و هاني=ما ياصلك بيديه هيهات هيهات
وان ما جبرتي خاطري في مكاني=ماني بمحتاجك ولا ضمن الاموات
-----------------
شرعوها

شرعوها لابسه ثوب الزفاف=دمعها حاير يعانق وجنها
ذابت البسمة على شط الضفاف=واختفى حلم السعادة عنها
بعد ريعان الصبا حل الجفاف=والالم شوّه ملامح حسنها
نافله بالزين كله و العفاف=ما بلغ عشرين عامٍ سنها
زاد أبوها بيننا نار الخلاف=للأسف قرر و خيّب ظنها
ناظرتني يوم همت بانصراف=عن عيون الناس تخفي حزنها
ما قوت تنطق كلمه لي تخاف=من العريس اللي تولّى سجنها
وانكسر قلبي و صوّت بارتجاف=ما ذبحني كود دمعة عينها
واللقاء من بيننا آخر مطاف=ودعت محبوبتي مجنونها
-----------------
كلمات..كنت ادوي

قد كنت اداوي كل من كان مجروح=واليوم ادور من يداوي جروحي
قصدي دوى المجروح من غير مصلوح=ونسيت من هم الزمن ضيم روحي
درب العنا واليأس زود بي جروح=ضايع ودرب اليأس حطم طموحي
دربي انا وادي الظما وين ماروح=وادي الظما اللي ظامي من مابروحي
اشوف دربي كل ماقبلت مفتوح=واثر الجزاء جنس العمل كيف نوحي
مليت ياقلب العنا كثرة النوح=وذبلت ورود القلب من زود نوحي
-----------------
كلمات..عفت الزمــان

عفت الزمان ياناس انا مليت من عيشة الدار=قلبي بة الهوجاس محد دريبه
عايش بها الدنيا وقلــــبي عـلـى نار=واخاف من ســــود السنين تغـــديبة
الجســم مني اليــوم يـــاناس منهـــار=حيلــي فقدتة فـــي حياتةٍ غريــــبة
فيها تجرعت الحلو والمر امرار=ماشفت منهــاغير همٍ تجـــــيبة
ضــاق الصدر يــاناس والــفكر طار=وهمٍ يوديبة وهمٍ يجيــــــــبة
من سبتك ياناعس الطرف وش صـــــار=لية الجفا رمزٍ قدا تقديبـــــة
بين البشـــر ماشاف قلبي ولااختار=غيرك ابـــد ماشاف غيرك حبيبـــــة
اوقف واهل الدمــــع والرجل تحتار=لامن ذكرت افعال قلبك رضيبـــــــة
-----------------
كلمات..الغريـــب

الغريب انك معي وانت بعيـد=والاكيـد انك بقلبي للابــد
والعجيب اني مع طيفك سعـيد=احتري طيفك ولو مابة وعـد
لا يطول البعد يالدر الفريد=والصبر لوطال ادري بة نكد
منك حرف الشعر في بيت القصيد=ضاق من همي وحزني والــسهد
كل يوم جرح في قلبي جـديــد=لين مل الجرح وصبري بة نفـد
لودريت اني مع جرحي وحـــيد=احتريك بشوق عذبني امــــــد
ولودريت اني على حبك شهــيد=ولو دريت الـدمع من عيني بدد
كان ماعزمت تبعد ياعنيـــــد=لوتعيش بارض مافيها احـــــد
-----------------
كلمات..جيت للوادي

جيت للوادي وهو فيض وسيل=جيت ادور باخر الوادي شجرة
تحتها كم لفني حزن طويل=وكم عطاني قاسي الوقت ظهرة
صارت الدنيا عويل في عويل=مات ذاك الرجـل حب في مرة
جيت انبش في جسـد شيخ قتيل=الزمن عقبي حفرلة مقبرة
واقفت الدنيا مثل ماوقف سيل=لين سال وجاة جرف وحـجرة
ولابقا خلان من بعد الخليـل=والحـــياة لـكل حب مقبرة
طاحت الدمعة وصار العمر ليل=وين ماروح القا مخيف منظـرة
اهرب..اهرب كيف وسنيني رحـيل=ولا تظن ان كل غيمــة ممطرة
-----------------
كلمات..اخر امـــل

اخرامل بيني وبينك رميته=على صدر ســود اليالي وقفيت
اعاند احساسي على اللي نويته=في كل خطوة التفت لين صديت
في ناضري صورة حبيب هويته=يثني عزم قلبي بكثر التناهيت
كنة يعاتبني على اللي خذيته=يقول لي في حبنا ويـش سويـت
واقول في نفسـي ودادك نسيته=ياليتني في ما مضى ماتماديت
ان عاش حلمك في حياتي لقيته=لا بد يرجع لي على ماتمنيت
وان مات بدموع السعادة رثيته=الحي بين الناس ابقى من الميت
اما قواني الوقت والا قويته=ملزوم اوجة واقعي يوم قفـــــيت
-----------------
كلمات..انا مقدار

انامقدر على فراقك واذا شفتك ابي فرقاك=تصدق نظرة اشواقــك تعذبني على لقيـــاك
احبك فوق مااتصـور وعيني تحلم بـشوفــك=ولكن حيرتي تكــبر وانا كفوفي على كفوفك
اشوفك نضرة ايامي واشوف الكون كلة فيـك=واشوفك حيرة احلامي يبكيني الغــلا واغليك
تصدق ياحبيب النفس تزايـد منـك جروحي=واشوفك القمر والشمس روحي يـا بعـد روحــي
-----------------
كلمات..اللة يبيحـك

الله يبيحك سوّ بي ما تريده = لامحرجك بديه ولا طالبٍ ثار
خلّص علي من هالحياة الزهيده=الموت راحه من تفاكير وامرار
القلب يتعب من عشيرٍ يكيده=دقّه يزيد وللخطر يعطي انذار
يا غاليه لاجلك كتبت القصيده=فيها البدايه والنهايه والاسرار
من الجروح المبطيه والجديده=فيها العجايب والمصايب والاضرار
سمحت انا يا قاسيه يا عنيده=دنيا بها شرواك مالي بها كار
ان مت انا جثة غرامٍ شهيده=يشفع عذاب الحب عن وهج النار
خطّي على قبري وفاته فريده=قولي تحمل من عنا الحب وانهار
-----------------
كلمات..ذي فرصتـي

ذي فرصتي يوم التقي بأغلى حبيب=ذي فرصتي واقول هجرانك صعيب
يا فرحتي بامسك يديك=من لهفتي باشكي عليك
ذي فرصتي واقول غادر يا زمن=ذي فرصتي واجعل من الغربه وطن
يافـرحـتـي انتي الـــحـيـــاة=يا جـنـتـي شوفـــك نـجــاة
ذي فرصتي وارسم معك قصة هوى=ذي فرصتي والقى معك كل الدوا
يا بسمتي انتي القمر=يا نوري اضوي للبـشـر
ذي فرصتي لحظة تلاقينا الجميل=ذي فرصتي اضحك وانا جرحي عليل
يا دنيتي فرحي يبين=يا ضحكتي كلي حنين
ذي فرصتي اشكي عليك اللي مضى=ذي فرصتي واقول من فعل القضى
يا لهفتي انتي الوجود=يا بهجتي انتي الورود
-----------------
كلمات..يااذ القمـر

يا ذا القمر ياللي علينا تضوّي=ماشفت زول حبيّبي بين الازوال
محتار بأمري يا عرب ويش اسوي=داله وسالي لين يطري على البال
لامن ذكرته زادت غيوم جوي=والدمع من عيني على وجنتي سال
ابو جديلٍ فوق متنه متلوي= خطرٍ على من شافه يصاب بهبال
قلبي على لاماه بيشب ضوي=لي مدةٍ ما شفت انا زين الاقبال
لولاي خايف من شماتة عدوي=لاعلن بحبي له واغنّيه موال
:bye1:
 
التوقيع


نقره لعرض الصورة في صفحة مستقلة



pin-2780096b

   
قديم 03-06-2008, 04:58 PM   #2

خـيـره

طارة المنتدى
 
الصورة الرمزية خـيـره

 





خـيـره is a jewel in the roughخـيـره is a jewel in the roughخـيـره is a jewel in the rough

خـيـره غير متواجد حالياً

افتراضي

انامقدر على فراقك واذا شفتك ابي فرقاك=تصدق نظرة اشواقــك تعذبني على لقيـــاك
احبك فوق مااتصـور وعيني تحلم بـشوفــك=ولكن حيرتي تكــبر وانا كفوفي على كفوفك
اشوفك نضرة ايامي واشوف الكون كلة فيـك=واشوفك حيرة احلامي يبكيني الغــلا واغليك
تصدق ياحبيب النفس تزايـد منـك جروحي=واشوفك القمر والشمس روحي يـا بعـد روحــي





لاهنـــــت يا الغااالي على النقل
 
التوقيع

نقره لعرض الصورة في صفحة مستقلة

   
قديم 03-06-2008, 05:13 PM   #3

ابومحلا

درباوي متميز
 
الصورة الرمزية ابومحلا

 




ابومحلا في طريقه للتميز

ابومحلا غير متواجد حالياً

افتراضي

مشكووور اخوووي على الموووضوع الجميل

يعطيك الف عافيه

تقبل مروري

][ الهاجري ][
 
التوقيع

نقره لعرض الصورة في صفحة مستقلة

   
قديم 03-06-2008, 06:07 PM   #4

الولهاااااان

عضو موقوف

 




الولهاااااان في طريقه للتميز

الولهاااااان غير متواجد حالياً

افتراضي

سمآنآ اشوٍآآق في أشوآآق نحس بنشوة العشآآق
وٍكل أوقاتنا ندعي عسى الله لآ يجيبْ فرٍاق ..
 
   
قديم 04-06-2008, 02:10 AM   #5

][ آستلطفگ ][

دربآآآوي للنخاع
 
الصورة الرمزية ][ آستلطفگ ][

 





][ آستلطفگ ][ في طريقه للتميز

][ آستلطفگ ][ غير متواجد حالياً

افتراضي

good lak
][ الهاجري ][
الولهاااااان

-----------
الله لايهينكم ،، ومشكورين على مروركم الجميل ..
 
   
قديم 04-06-2008, 03:51 AM   #6

ثواني كلها وانسى غرامك

.Xx درباوي خطير xX.
 
الصورة الرمزية ثواني كلها وانسى غرامك

 




ثواني كلها وانسى غرامك في طريقه للتميز

ثواني كلها وانسى غرامك غير متواجد حالياً

افتراضي

لاهنت اخوي


تقبل مروري
 
التوقيع

ثـوآني كـلهـا وانسى غـرآمكـ

~*¤ô§ô¤*~*¤ô§ô¤*~§¤°~®~°¤§الجيب والبلجيك ومعرب الخال&&&تنجيك لا ضاقت عليك الوسيعه§¤°~®~°¤§~*¤ô§ô¤*~*¤ô§ô¤*~

GMC_V8_488@hotmail.com

   
قديم 04-06-2008, 11:23 AM   #7

اتعبـتـ قلبــي

[ درباوي ذهبي ]
 
الصورة الرمزية اتعبـتـ قلبــي

 




اتعبـتـ قلبــي في طريقه للتميز

اتعبـتـ قلبــي غير متواجد حالياً

افتراضي

لاهنت على الموضوع
 
التوقيع


abu-sa3d-305@hotmail.com

   
قديم 05-06-2008, 12:24 AM   #8

][ آستلطفگ ][

دربآآآوي للنخاع
 
الصورة الرمزية ][ آستلطفگ ][

 





][ آستلطفگ ][ في طريقه للتميز

][ آستلطفگ ][ غير متواجد حالياً

افتراضي

ثواني كلها وانسى غرامك
رفيع الشان في الصمان

يسلمووو على المرور الحلو ..
 
   
قديم 05-06-2008, 01:45 AM   #9

ارجع قدام

درباوي جديد

 




ارجع قدام في طريقه للتميز

ارجع قدام غير متواجد حالياً

افتراضي

[font=System]كفو يالصبيح[/font]
 
   
قديم 05-06-2008, 01:53 AM   #10

مـخ الجني

من اعضاء الادارة
 
الصورة الرمزية مـخ الجني

 




مـخ الجني has a reputation beyond reputeمـخ الجني has a reputation beyond reputeمـخ الجني has a reputation beyond reputeمـخ الجني has a reputation beyond reputeمـخ الجني has a reputation beyond reputeمـخ الجني has a reputation beyond reputeمـخ الجني has a reputation beyond reputeمـخ الجني has a reputation beyond reputeمـخ الجني has a reputation beyond reputeمـخ الجني has a reputation beyond reputeمـخ الجني has a reputation beyond repute

مـخ الجني غير متواجد حالياً

افتراضي

يالبيـه مزعل

مشاء الله عليه يجيب كلمات مدري من وين يجيبها


ولاهنت أخوي الصبيحي على هيك موضوع
 
التوقيع

نقره لعرض الصورة في صفحة مستقلة

   
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:31 AM.


Powered by vBulletin® Copyright ©2000 - 2014, Jelsoft Enterprises Ltd. , Designed & TranZ By Almuhajir
جميع الحقوق محفوظة لمنتديات درب الخطر

~ جميع المشاركات آلمكتوبه تعبّر عن وجهة نظر صاحبها ,, ولا تعبّر بأي شكل من آلأشكآل عن وجهة نظر تيم معين او ادارة المنتدى ~

Drrrb